ఉగాది నిషేధం

Unknown

నిదురపో కోయిలమ్మా నిదురపో
వసంతం వచ్చిందేమోనని ఉలిక్కిపడిలేచేవేమో
వసంతం గొంతునులిమిన రాక్షసులం కనిపిస్తాం

పూయకమ్మా వేపపూవా విరబూయకు
ప్రతి సంవత్సరం నిన్ను తిని
నిలువెల్లా విషమయ్యాం మేం

ఇంకెలా కాస్తావులే మామిడిపిందా
నీ చెట్టు కొమ్మల్ని నిరుడేగా
నరికి పొయ్యిలో మంటబెట్టాం

పాత కుళ్ళు కడుక్కుంటూ
కొత్త బట్టలు కట్టుకుంటూ
మళ్ళి ఉగాదికి మేం మాత్రం సిద్దం

(2000 ఉగాదికి ఇంటికి వెళ్తూ కొట్టేసిన చెట్లని చూసి...)