దండపాణి ఆనందంతో పెట్టిన పొలికేక దాదాపు నాలుగు సార్లు ప్రతిధ్వనించింది. అయినా అతని మనసు శాంతించలేదు. ముఫ్ఫై ఏళ్ళ కఠోర శ్రమ ఫలించి కళ్ళ ముందు నిలిస్తే ఎవరికైనా అంతే ఆనందం కలుగుతుంది మరి. పైగా ఎన్నో సంవత్సరాలుగా ప్రపంచం మొత్తం ఎదురుచూస్తున్న వైజ్ఞానిక విప్లవం అది. కేవలం కలలకో, కథలకో, సినిమాలకో పరిమితమైన ఊహ అది. ఇప్పుడు దండపాణి ఆవిష్కారం పుణ్యమాని వాస్తవం అయ్యింది. ఆ ఆవిష్కారం పేరు – టైమ్ మెషీన్.